Գարեջրով դիմակներ մազերի համար. հին գաղտնիքներ. 1in.am

Վաղուց գարեջուրը համարվում է շատ արդյունավետ կոսմետիկ միջոց: Այն հատկապես օգտակար է մազերի համար: gogetnews.info-ն ներկայացնում է մազերի համար գարեջրով հին դիմակներ: Ավելի օգտակար է առանց գազի գարեջուրը: Դրա համար պետք է շիշը մի քիչ բաց թողնել կամ մի քանի անգամ գարեջուրը մի տարայից մյուսը դատարկել: Այն ավելի լավ կազդի մի քիչ տաքացնելու դեպքում:

Դիմակները քսում են արդեն լվացած, թաց մազերին: Վերջում լվանում են սովորական ջրով, բայց արդյունքի ուժեղացման համար կարելի է նաև մազերն օգտակար բույսերի եփուկով լվանալ:

Տարբեր տեսակի մազերի համար տարբեր դիմակներ են օգտագործվում՝ կախված մազերիորակից, յուղոտ են, թե՝ չոր: Գարեջուրը նաև թեթև ներկող հատկություն ունի: Հարկ է հիշել, որ գարեջրով դիմակներից կարող է ալերգիա լինել:

Ահա մի քանի օգտակար բաղադրատոմս:

Գարեջուր + ձվի դեղնուց

Կօգնի վերականգնել ու ամրացնել մազերը, ավելացնել ծավալն ու փայլը: Հարմար է թույլ, փշրվող, չոր մազերի համար: 100 գ գարեջուրը բլենդերով խառնել ձվի դեղնուցին: Կարելի է ավելացնել նաև 1 ճաշի գդալ մեղր:

Գարեջուրը յուղերի հետ

Սնուցող դիմակ չոր և փշրվող մազերի համար. 1 բաժակ գարեջրին ավելացնել 1 թեյի գդալ նուշի, ձիթապտղի կամ ծիրանի յուղ: Առնվազն 20 րոպե պահել, հետո մազերը լավ լվանալ:

Գարեջուր և կեֆիր

Խոնավացնող դիմակ. հարմար է ցանկացած տիպի մազերի համար: Կես բաժակ գարեջուրը խառնել կես բաժակ կեֆիրի հետ, կարևորը՝ բաղադրիչները հավասարաչափ լինեն:

Խոտաբույսեր և գարեջուր

Յուղոտ մազերի համար. վերցնել 2-ական ճաշի գդալ եղինջի և եղեսպակի տերևներ, տաք գարեջրով եփել,  քսել մազերը լվանալուց հետո, կարելի է գիշերը թողնել: Օգտագործել շաբաթական 2 անգամից ոչ ավելի, որ մազերը չափազանց չչորանան:

Գարևջուր և աշորայի հաց

Մազերի աճի և ծավալի համար. 500 մլ գարեջրին ավելացնել մոտ 200 գ. աշորայի հաց: Լավ կլինի բլենդերով խառնել: Դիմակը քսել 30 րոպեով, գլուխը տաք պահել:

Գարեջուր և սոխ

Մազաթափության դեմ. 3 միջին սոխը մանր կտրտել, թանզիվով հյութը քամել: Ավելացնել կես լիտր գարեջրին: Քսել լվացած խոնավ մազերին, պահել 20-30 րոպե:

Հարցեր, պատասխաններ, մեկնաբանություններ